Gusto ko ng bag na nakita ko sa Mall.
Gusto ko ng sapatos na katulad ng sa
kaklase ko.
Gusto ko ng bagong labas ng iPhone
ngayon.
Gusto ko kumain sa pang-sosyal
na restaurant.
Gusto ko ng magarang kotse.
ANO PA? ANO PA BANG GUSTO MO?
ANG DAMI MO NAMAN GUSTO, PURO KAGUSTUHAN! PAANO NAMAN ANG PANGANGAILANGAN MO?
Hindi
ako galit. Nagtatanong lang, lagi ko din kasing tanong iyan sa aking
sarili.Hindi na kasi yata talaga maiaalis sa tao ang ganyang ugali ( o sakin
lang ? ). Kung tawagin ng ilan ay luho, pero para sa ilan ang mga bagay na ito
ang isa sa mga dahilan kung bakit sila nagsisikap,gusto kasi natin makuha ang
mga kagustuhang ito. Ika nga ng matatanda, Pag may tiyaga, may
nilaga. Mas masarap maranasan ang kaginhawaan kung ito’y pinaghirapan.
Isang
nilalang ng daigdig ang nagsabi na ang tao ay kailangan ng inspirasyon para
makamit ang isang bagay. Siya si Abraham Maslow, na gumawa ng “Hierarchy of needs”
Ang
limang antas ng pangangailangan ay nahahati sa karaniwang pangangailangan na
kinabibilangan ng tirahan, kaligtasan at pagmamahal. At ang tinatawag na
pangangailangan sa pagtuklas ng sarili. (Maslow, 1943, 1954)
Kailangan ng isang tao na makamit muna ang mababang antas bago marating ang susunod na
antas. Sa oras na makamit ang mga mababang antas ay maari ka ng makatungtong sa
pinkamataas na antas na tinatawag na self-actualization. (Maslow, 1943, 1954)
Subalit
paano naman ang mga tao na kung iyung mga simpleng pangangailangan pa lang ay
hirap na nila makuha katulad na lang ng pagkain, tubig at matitirahan, pero
meron naman silang pamilya at kaibigan? Hadlang ba ito para makarating sa
pinakamataas na antas at matawag na self-actualized.
Paano din naman yun mga taong sa una pa lang ay nakakaranasan na ng self-fulfillment? Kailangan ba nila
huwag ipakita ito dahil hindi pa nila napupunan ang mga naunang antas ang
pangangailangan?
Lahat
ng tayo may kakayahan na matawag na self-actualized , kahit hindi mo
man makuha ang sinasabing ni Maslow na antas ng pangaingailangan basta maipakita
mo sa iba at lalo na sa sarili mo na buo ka, kuntento at masaya sa kung anong
mayroon ka.
Hindi
pantay-pantay ang antas ng tao sa mundo, hindi lahat ng mayroon ka ay
tinatamasa din ng iba. Pero ito ay hindi hadlang para sumuko, tingnan mo
ito sa positibong paraan. Gamitin mo ang
mga bagay na humahadlang sayo para maging inspirasyon upang mas lubusan mo pang
makilala ang iyong sarili at maging buo ang iyong pagkatao. Huwag kang papayag na kontrolin ng iba ang buhay mo dahil
buhay mo ito.
Kasabay nito, turuan ang sarili na pahalagahan ang
mga bagay na mayroon ka bago mo pa pahalagahan ang mga bagay na wala na sa iyo.
SOURCES:
Maslow, A. (1954). Motivation
and personality. New York, NY: Harper.
No comments:
Post a Comment